nyhende
Planlegging av badeanlegg og idrettshall held fram
Rådmannen si anbefaling i saka om badeanlegg, var å venta med vidare teknisk planlegging og utlegging av anbod til ein har funne ei driftsløysing, men eit fleirtal i kommunestyret har bestemt å følgja framdriftsplanen, og ikkje ta eit opphald.
I tillegg skal det leggast til rette for idrettshall ved sidan av badeanlegget, som eit eige prosjekt. Hausten 2021 skal det bli tatt stilling til ulike driftsløysingar.
– Opne prosjekt som tutlar og går i mange år pådrar seg berre kostnadar. Dette er ei viktig presisering som sikrar framdrift i saka, sa Rune Teikari (FrP) i møtet.
Forslaget som blei vedteke kom frå Ap, FrP og dei to uavhengige, og blei vedteke med 13 mot 12 stemmer, av Ap, FrP og dei to uavhengige.
Fleirtalet har ikkje godkjent at kostnadsramma blir prisjustert med 12 millionar kroner. I ei anna sak blei detaljreguleringa for badeanlegg og idrettshall godkjent.
