nyhende
Påskeegg og aktivitetar i heile Sveio
Frå turkonkurranse og quiz til eggjakt, riding og klubbkveld: Slik kan små og store sveibuar fylla påskevekene med lokale opplevingar.
29. mars
Eggjakt på Ryvarden: Her kan store og små dra til Ryvarden fyr for å gå på påskeeggjakt.
Påsketur til Røysanes: Gåtur frå festninga på Tittelsnes til Røysaneset, der barn og unge kan leita etter påskeegg når dei kjem fram.
Påskeaktivitetar på Tjernagel: Her kan du mellom anna ri på hest, laga pinnebrød, leika med påskeleikar og leita etter påskeegg. Krev påmelding. Arrangør: Tjernagel leir- og fritidssenter.
Kunstkafé Ørevik grendahus: Reidun Nappen og Lillian Wirkola er utstillarar, og det blir loddsal samt sal av kaker og kaffi.
31. mars
Klubbkveld på Førde samfunnshus: Her blir det klubbkveld med tilbod for både barn og ungdom. Dei to første timane er det ope for 4.-7. klasse, medan ungdom frå 8. klasse til 17 år slepp til dei to siste. Det blir aktivitetar, kiosk, burger og leiting etter påskeegg.
1. april
Basar Rød bedehus: Her blir det andakt, matservering og loddsalg.
2. april
Skjærtorsdagsbasar i Tjernagel bedehus: Det blir andakt ved Håkon Brekkå og enkel servering.
3. april
Påskeeggjakt i Rex Garden: I Rex Garden i Førde blir det påskeeggjakt for barn opp til 13 år. Det blir lagt ut 400 små egg i parken, og dei som finn og leverwr inn egg, får godtepose. Det er eitt egg per barn, så langt det rekk. Arrangementet er gratis.
23. mars - 7. april
Turkonkurranse på Oa: Oa turlag har sett ut postkassar i terrenget og på toppar i området. Det er to ulike aktivitetar i tilknyting til dette.
For å vera med i påskekonkurransen, held det å skriva seg inn med namn, telefonnummer og alder i den gule boka i ei av dei ni postkassane.
I påskequizen må deltakarane besøka alle dei ni postkassane, samla bokstavane i kvar postkasse og setta dei saman til eit løysingsord. Svaret skal leggjast i den raude postkassa utanfor Oa ungdomshus innan 7. april.
Vinnarane blir trekte på søndagskaféen 12. april.
For fleire arrangementer sjå kalenderen vår Kva skjer i Sveio?
