NPK-NTB: Senterpartiet får ein markert framgang på marsmålinga frå Norfakta. Sp-leiar Trygve Slagsvold Vedum meiner krigen i Ukraina bidreg til oppturen.
Krigen i Ukraina har sett den norske regjeringa under press den siste veka, og oppslutninga om Arbeidarpartiet fell i Nationen og Klassekampens ferske måling.
Ap går tilbake 1,6 prosentpoeng til 21,8 prosent, men for Vedums parti kan den negative trenden kanskje sjå ut til å snu. Frå å ha gjort den dårlegaste Nationen-målinga på fem år i februar, går Senterpartiet no opp til 9,7 prosent. Det er ein auke på 2,5 prosentpoeng sidan førre måling.
Partileiar Trygve Slagsvold Vedum seier til Nationen at krigen i Ukraina har sett beredskap og forsvar høgare på dagsordenen. Han trur Sps politikk på desse områda kan ha bidrege til framgangen til partiet.
– Vi har vore veldig tydeleg på at vi meiner det er viktig med Nato, med eit politi som er til stades i heile landet, og at Noreg skal satse på matberedskap, seier Vedum til Nationen.
Samtidig er Høgre framleis det klart største partiet på målinga med støtte frå 25,8 prosent av dei spurde, som er det same som i februar.
Dei borgarlege partia, som tapte stortingsvalet i fjor, får 77 av 169 mandat, viser mandatberekninga. Det er berre åtte færre enn det som krevst for fleirtal i Stortinget.
(©NPK)
NPK-NTB: Senterpartiet får ein markert framgang på marsmålinga frå Norfakta. Sp-leiar Trygve Slagsvold Vedum meiner krigen i Ukraina bidreg til oppturen.
Krigen i Ukraina har sett den norske regjeringa under press den siste veka, og oppslutninga om Arbeidarpartiet fell i Nationen og Klassekampens ferske måling.
Ap går tilbake 1,6 prosentpoeng til 21,8 prosent, men for Vedums parti kan den negative trenden kanskje sjå ut til å snu. Frå å ha gjort den dårlegaste Nationen-målinga på fem år i februar, går Senterpartiet no opp til 9,7 prosent. Det er ein auke på 2,5 prosentpoeng sidan førre måling.
Partileiar Trygve Slagsvold Vedum seier til Nationen at krigen i Ukraina har sett beredskap og forsvar høgare på dagsordenen. Han trur Sps politikk på desse områda kan ha bidrege til framgangen til partiet.
– Vi har vore veldig tydeleg på at vi meiner det er viktig med Nato, med eit politi som er til stades i heile landet, og at Noreg skal satse på matberedskap, seier Vedum til Nationen.
Samtidig er Høgre framleis det klart største partiet på målinga med støtte frå 25,8 prosent av dei spurde, som er det same som i februar.
Dei borgarlege partia, som tapte stortingsvalet i fjor, får 77 av 169 mandat, viser mandatberekninga. Det er berre åtte færre enn det som krevst for fleirtal i Stortinget.
(©NPK)
Norfakta-målinga
Slik er oppslutninga til partia (endring frå februar i parentes):
Raudt 7,3 (-1,1)
SV 8,7 (+0,2)
Ap 21,8 (-1,6)
Sp 9,7 (+2,5)
MDG 4,3 (+1,7)
KrF 3,1 (-0,6)
Venstre 5,1 (+0,1)
Høgre 25,8 (-)
Frp 11,1 (-1,1)
Feilmarginen ligg mellom 1,1 og 2,6 prosent og aukar som vanleg med oppslutninga til partia.
Kjelde: Norfakta/NPK
