nyhende
Oppmodar båteigarar i Vigdarvatnet til å ta ein sjekk
Har du båt eller anna utstyr liggjande i eller nær vasskanten i Vigdarvatnet? Då er det nok lurt å sjekke at alt ligg der det skal.
Grunna all nedbøren den siste tida er vasstanden høg i innsjøane. Også i det store Vigdarvatnet har vasstanden auka kraftig i det siste.
Då hobbyfotografen Tor André Johannesen gjekk tur ved Vigdarvatnet laurdag, dokumenterte han fleire båtar som treng raskt ettersyn.
— Det er fleire som bør sjå etter båtar og utstyr som ligg i eller nær vasskanten, seier han.
Forureining
Annonse
Han såg også ting som dreiv i sjøen, og det er difor ikkje berre av omsyn til båteigar han kjem med oppmodinga.
— Også av omsyn til miljøet, slår han fast.
Det er meldt enno meir nedbør det næraste døgnet, men regnet er venta å gi seg utpå dagen måndag, ifølgje yr.no
