nyhende
Oppdaga stort korallrev i Bømlafjorden
Mellom Valevåg og Otterøya i Bømlafjorden er det eit korallrev som strekk seg nesten 2000 meter.
Det var ein lokal fiskar som for nokre månadar sidan kontakta Havforskningsinstituttet i Bergen etter at han fekk korall på kroken, skriv NRK.
Forskarane som var på befaring i området denne veka, blei overraska over det nesten to kilometer lange korallrevet, på rundt 150 meters djupne.
Til NRK si nettavis seier forskar Tina Kutti at det no vil bli viktig å finna ut kor korallane er, slik at industri og aktivitetar langs kysten kan planleggjast på rett måte.
