nyhende
Open veg igjen fredag
Øklandsvegen, som har vore stengt ved Øklandsnes sidan måndag morgon, skal etter planen vera open for fri ferdsle igjen fredag morgon.
– Dette er planen. Så langt kan eg ikkje seia om tidsplanen held eller ikkje, sa Kjetil Silden i Mesta til Vestavind tysdag.
Fylkesvegen er stengt medan det pågår arbeid med å leggja nye røyr med større dimensjon for å leia bekken Åno under vegbana. Skuleelevar og nokre bussar har fått passera over store stålflakar til visse tider.
Tidleg tysdag kunne Vestavind konstatera at to nye røyr var på plass. Muring av nye natursteinmurar og arbeid rundt munningane av røyra høyrer også med til prosjektet. Det er sveiofirmaet Geir Flatnes AS som utfører arbeidet for Mesta, som igjen har vedlikehaldsavtale med Vestland fylkeskommune.
