Like før klokka 11.30 fredag, opplyser Sveio kommune at det er eitt nytt tilfelle med korona-smitte i Sveio. Det dreier seg om ein mann mellom 18 og 67 år. Kommunen opplyser at smittesporing pågår.
I 15-tida kom ei oppdatering frå kommunen, som seier at det enda er usikkert på kor smittekjelda er, og ein jobbar vidare med smittesporing. Sidan august har det vore få smittetilfelle i kommunen, men det er jamlege tilfelle i regionen.
Det er førebels ingen tilsette i kommunen som er sett i karantene etter dagens smittetilfelle, men kommunen har gode rutinar ved slike hendingar for å sikra ei forsvarleg drift.
