Sveio sin nye kantor, Alie Hamberg, spela på sin første gudstjeneste i soknet sist helg. Her i Valestrand kyrkje, der soknerådsleiar Tor Helge Hardeland og sokneprest Arild Steinsland ønska den nye kantoren velkomen.FOTO: Privat
Alie Hamberg er opphavleg frå Nederland, men har budd og arbeida i Noreg i mange år. Dei siste åra har ho vore kantor i Rossabø menighet i Haugesund. Ho var også i mange år organist i Suldal.
Hamberg er tilsett i 30 prosent stilling og skal kombinera arbeidet i Sveio med undervisning på Skeisvang videregående skole. Ho går inn i delar av stillinga som Steinar Alvsaker har hatt sidan 2010, blir det opplyst frå Sveio kyrkjelege fellesråd.
