Morten (33) er sakna – politiet ønskjer tips

Mannen som har vore sakna etter ei utforkøyring med bil på E39 ved Raunholm i Fitjar kommune måndag 24. januar er 33 år gamle Morten Holsen.

I håp om at det kan bidra med tips i saka, går politiet i samråd med den sakna sin familie ut med namn og bilde på den sakna.

Holsen har bustad-adresse på Stord. Han er cirka 170 centimeter høg og rundt 80 kilo. Då han forsvann hadde han mørkt brunt, kortklipt hår og brune auge.

Han snakkar vestlandsdialekt.

Tips om den sakna mannen kan meldast til politiet på telefon 02800.

Søket etter den sakna går framleis føre seg, både på land og sjø.

— Politiet jobbar parallelt med konkrete etterforskingsskritt med mål om å kartlegge kor den sakna er, skriv Sør-Vest politidistrikt i ei pressemelding.