nyhende
Mistanken mot drapssikta mann er svekka
Mistanken mot mannen som er sikta for drapsforsøk i Bømlo er svekka. Han vil bli lauslaten i løpet av kort tid.
Klokka 01.02 natt til onsdag fekk politiet melding om ei valdshending på ei privat adresse i Bømlo. Politiet kom til staden ein halvtime seinare og fekk kontroll på dei to involverte personane.Begge er menn i 20-åra og har status som sikta og fornærma. Dei to kjenner kvarandre frå før.
Det var ingen andre på åstaden då politiet kom, og det var sikta som tok kontakt med politiet, skriv politiet i ei pressemelding.
Fornærma blei henta av luftambulanse og flydd til Haukeland Universitetssykehus. Han var bevisst då han ble henta.
Politiet har i løpet av onsdagen gjort tekniske undersøkingar på åstaden og gjennomført avhøyr av de involverte.
– Det er jobba med saka i heile dag. Resultatet er at mistanken mot sikta er svekka, og at han blir lauslaten i løpet av kort tid, seier politiadvokat Sveinung Andreas Andersen i Sør-Vest politidistrikt onsdag kveld.
