Mann gripen for brot på kontaktforbod

Ein mann vart laurdag kveld gripen av politiet på ei adresse i Sveio kommune.

Bakgrunnen var at han tidlegare same dag skal ha brote eit kontaktforbod han har overfor ein anna person.

Den fornærma i saka er busett i ein anna kommune på Haugalandet, og brotet på kontaktforbodet fann stad der.

— Det var politiet sin jurist som avgjorde at mannen skulle gripast for ugjerninga, opplyser vaktsjef Håkon Tornes ved Haugesund politistasjon.

Mannen blei avhøyrd. Han er no lauslaten, men må rekne med å måtte svare for saka i domstolen.