nyhende
Mange brukte kredittkort i mai
– Mykje bruk av kredittkort i mai førte til ein auke i forbruksgjelda, men nedgangen i den renteberande forbruksgjelda tyder på at folk strammar inn på forbruket sitt før ferien, seier dagleg leiar Svein Ove Karstensen i Norsk Gjeldsinformasjon i ei pressemelding.
31. mai var den totale forbruksgjelda i Noreg på 174,3 milliardar som er ein auke på 1,2 milliardar samanlikna med april.
Nedbetalingslån og kredittkortgjeld som ikkje blir betalt ved forfall, utgjer den renteberande forbruksgjelda. Den samla renteberande gjelda fall med 0,9 milliardar og utgjer no 137,3 milliardar
– Den markante auken i kredittkortgjelda kan komme av at mange har betalt for flybillettar og andre reiseutgifter knytt til sommarferien. Det er positivt å sjå at den renteberande kredittkortgjelda held fram med å falle samtidig som nedbetalingslån ikkje aukar. Dette tyder på at folk strammar inn på pengebruken før ferien, seier Svein Ove Karstensen.
