Lys i Fagerland-krysset

Etter eit lesarinnlegg frå Dagfinn Fagerland Bjørge skreiv Vestavind i veka som gjekk om dette veglyset, som har vore ute av funksjon sidan oktober i fjor trass i fleire meldingar frå bebuarar i området, har saka fått ei løysing.

Kommunikasjonsdirektøren i Haugaland Kraft, Gunn Margareth Lassesen, lova då ei mellombels løysing i påvente av omlegging av linjenettet i området. Nå er altså lyset på plass, til glede for både skuleelevar og andre som jamleg brukar busstoppet eller SIM sin hyttecontainer ved krysset.