Bli abonnent
Logg inn

nyhende

Elevar i 3.- og 4.-klasse ved Auklandshamn skule. Batteria i sekken er berre ein brøkdel av alt dei har samla. Frå venstre: Maria Selland, Madeleine Rush Lien, Marlene Helgeland Tverfjell, Aron Årre, August Mokleiv, Mathias Aga Bjørge, Oddvar Gravelsæter-Gravdal, Tormod Kyvik, Torvald Velde, Hugo Rossehaug, Erlend Vestvik Andersen, Lars Fagerland Tverfjell. FOTO: PRIVAT
Elevar i 3.- og 4.-klasse ved Auklandshamn skule. Batteria i sekken er berre ein brøkdel av alt dei har samla. Frå venstre: Maria Selland, Madeleine Rush Lien, Marlene Helgeland Tverfjell, Aron Årre, August Mokleiv, Mathias Aga Bjørge, Oddvar Gravelsæter-Gravdal, Tormod Kyvik, Torvald Velde, Hugo Rossehaug, Erlend Vestvik Andersen, Lars Fagerland Tverfjell.

Lokale elevar har samla inn 346 kilo batteri

Resultatet frå den nasjonale miljødugnaden Batterijakta 2022 viser at elevar i Sveio kommune har samla heile 346 kilo batteri til saman.

Publisert Sist oppdatert

Sundag den 3. april vart batterijakta for alle fjerdeklassingar i heile Noreg avslutta. Batterijakta er ein nasjonal konkurranse, der målet er å samla inn så mange brukte batteri som mogleg og levera dei inn til attvinning.

Dugnaden, som er eit samarbeid mellom Miljøagentane, Batteriretur, VARTA og Clas Ohlson, skal utrusta elevane med kunnskap om attvinning, sortering, krinslaupstenking og forvalting av naturressursane på jorda.

80 skular i Vestland deltok i den landsdekkjande skulekonkurransen. Fjerdeklassen på Auklandshamn skule vart blant dei 25 beste i heile Vestland fylke. Dei samla 276 kilo batteri til saman. Fordelte på dei 12 elevane i klassen tilsvarer dette 23 kilo batteri per elev. Førde skule samla inn 70 kilo batteri og kom på 49.-plass i Vestland.

Fylkesvinnaren i Vestland er Stadlandet skule i Stad kommune (Nordfjord). Dei samla inn til saman 480 kilo batteri. Foldnes skule i Øygarden vart landsvinnar med til saman 768 kilo batteri.
nyhende
Powered by Labrador CMS