Daniel DeNiazi er eit kjent namn for mange sveibuar. Han starta Extraavisen i januar 2021 og er også ansvarleg redaktør. Med base i Sveio og Lindesnes, var planen å utvida rundt om i landet og bli ei framtidig tabloidavis.
Målet var å få stasjonert avisa i Trondheim og deretter utvida avisa med fleire i redaksjonen. Slik gjekk det altså ikkje. I ei pressemelding delt på nettsida, skriv DeNiazi at nettavisa blir lagt ned 1. oktober.
– Hovudgrunnen er lite bemanning og ikkje økonomi nok til å setta inn ekstra folk. Me skulle gjerne ha halde fram lengre, men me kan ikkje ta fleire sjansar, seier DeNiazi.
