Ledige plassar til kommunestyremøtet

12. april 2021, klokka 17.00 møtest kommunestyret for tredje gong dette året. Teams er arenaen, og saka mange er så spente på, skal få eit endeleg vedtak. Det kan vera maks 250 med i møtet totalt, men i 13-tida måndag, var det enda ledige plassar.

– Så langt har 121 personar meldt seg på og fått lenke. Reknar ein med kommunestyrerepresentantane, rådsrepresentantane (ungdomsrådet, eldrerådet og råd for personar med nedsett funksjonsevne), rådmannen og meg, er me oppe i 153 deltakarar, fortel Bjarte Stølås Storli, politisk sekretær.

Det vil seia at det nesten er 100 plassar igjen.

– Dette går mest sannsynleg som me hadde rekna med, slik at det blir plass til alle, seier Storli.

Vil du melda deg på? Les meir på Sveio kommune sin nettstad.