Har du sjekka passet ditt i det siste?

Heilt nye tal frå Politidirektoratet og berekningar fra Gjensidige viser at nærare 55.000 pass og ID-kort i Vestland må fornyast i løpet av året. 

Samtidig viser ei ny undersøking gjennomført av Ipsos for Gjensidige at 1 av 4 nordmenn ikkje har sjekka passet sitt det siste året.

Gyldig to til tre år for små barn

Arne Voll, kommunikasjonssjef i Gjensidige, fryktar at mange planlegg sommarferien utan å vera klar over at passet snart går ut.

– Mange trur passet varer «lenge nok», og det gjer det ofte for vaksne. Men for barn er gyldigheitstida langt kortare. For barn under 10 år er passet berre gyldig i to til tre år, noko mange foreldre ikkje er klar over, seier Voll.

 Kan bli dårleg tid

Dersom passet må fornyas før sommarferien, kan det vera dårleg tid. Fleire passkontor melder om lange ventetider – enkelte stader på over éin månad.

– Viss eitt familiemedlem har utløpt pass, kan heile ferien ryka, sier Voll.

Må reisa avlysast fordi pass eller andre reisedokument ikkje er i orden, blir ikkje dette dekka av reiseforsikringen. Dette er den reisande sitt ansvar.

 Vanlege feil som stoppar reisa:

• Feil pass tatt med til flyplassen
• Passet er utløpt
• Passet er skada
• Manglande visumkrav eller innreiseløyve
• Namn stemmer ikkje med billetten
• Barn sin dokumentasjon er ikke i orden
• Mange land krev også at passet er gyldig i fleire månader etter innreise