nyhende
Lågaste straumpris sidan 2020 i fjor
Frå 2024 til 2025 fall den samla straumprisen for hushald med 2 prosent. Det førte til dei lågaste straumprisane sidan 2020.
Medrekna avgifter og nettleige, men før støtte frå styresmaktene blir trekt frå, vart straumprisen for hushald 141,7 øre per kilowattime, skriv SSB.
– Den samla straumprisen for hushald låg i 2025 så vidt over gjennomsnittsprisen for dei førre fem åra. Vi må tilbake til 2020 for å finne ein lågare straumpris for året i statistikken, seier seniorrådgivar Thomas Aanesen i SSB.
SSB understrekar at prisen på straum har variert mykje frå sør til nord i landet, også i 2025.
På grunn av ein ekstremt kald januar – den kaldaste sidan 2010 – var straumforbruket i januar høgt. På Austlandet var den gjennomsnittlege månadsprisen ifølgje Fortum i januar 158,98 øre per kilowattime – ein auke på 57,15 øre per kilowattime sidan desember i fjor.
