nyhende
Kunst og kafé på fyret i sommar
Det er sommar på Haugalandet og i Sunnhordland, og tradisjonen tru – Galleri Ryvarden innbyr til sommarutstilling.
Dette året har me gleda av å ønskja velkommen til ein spennande kunstnar, Bodil Friele, som fyller galleriet med fargerike maleri fylt med energi og flotte fargar, skriv kulturfyrvoktar Gunn Bente Håvardsholm i ei pressemelding.
Kunstnaren starta sin kunstkarriere tidlig på 1990-tallet, og har sin utdanning frå bl.a Kunsthøgskolen i Bergen. Friele har vore svært produktiv i sin kunstneriske karriere, med deltakelse i ei rekke kollektivutstillingar og nær 20 separatutstillingar.
Utstillinga opnar søndag 4. juli, og blir ståande til 29. august.
Galleriet og kaféen har ope om søndagar, i tillegg er det ope tysdag-laurdag mellom 6. juli og 8. august.
