nyhende
Kraftige smell heldt naboane vakne
Natt til måndag fekk politiet telefon frå naboar som ikkje fekk sova grunna smell og fyrverkeri.
– Det var ein som melde at nokon ved eit naust avfyrte fyrverkeri. Dei høyrde ein del smell og det var sjenerande, seier vaktsjef ved Haugesund politistasjon Ann Østensvik-Lu.
Klokka var då cirka 02.20 og det var ikkje lenge sidan måndagen hadde byrja.
– Patruljen reiste ut til staden, men når dei kom i kontakt med meldar hadde ting roa seg, og dei klarte ikkje å lokalisera personane som stod bak, seier ho.
Truleg har dei skuldige reist ut i båt og var ikkje å finna i nærleiken. Hendinga fann stad langs Ålfjorden.
Annonse
– Det var nokre ganske kraftige smell det var snakk om, seier Østensvik-Lu.
