nyhende
Kraftig vind er venta i føremiddag
Dagens vêrmelding byr på gult farevarsel, vinden skal auka på frå klokka 10.00 og avta kl. 23.00. Det betyr at lokale skader kan oppstå som følgje av naturkreftene.
Frå torsdag føremiddag til torsdag kveld er det venta kraftige vindkast frå sør, kring 25-33 m/s. Vinden aukar først i sør. Seint torsdag kveld dreiar vinden sørvest-vest og minkar gradvis, fortel yr.no.
Anbefalingane er å sikra lause gjenstandar og unngå unødvendig ferdsel på utsette stader. Det kan også vera lurt å følgja råd og sjekka status frå transportaktørar, samt sjekka vegmeldingar på 175.no.
Gul betyr moderat fare
I følgje Yr kjem farevarslane frå Meteorologisk institutt og Norges vassdrags- og energidirektorat, som føl internasjonale standardar.
Gult farevarsel blir sendt ut når mindre konsekvensar er forventa. Dei fleste vil kunne halda fram med sine daglege gjeremål, men dei som til dømes planlegg aktivitetar utandørs, bør vera merksame eller eventuelt halda seg inne.
Moglege konsekvensar:
- Det kan bli skader lokalt
- Det kan bli straumbrot
- Det er sannsynleg med forseinkingar i trafikken
- Vind kan gjera det farleg å vera i fjellet
Det er viktig å lesa innhaldet i farevarslet for å vurdera kva konsekvensar det kan ha for den enkelte.
