nyhende
Køyrde i autovernet
Ei kvinne midt i 50-åra blei kjørt til sjukehus etter eit trafikkuhell i Sveio søndag kveld.
Politiet har fått melding om noko vinglete køyring før bilen traff autovernet ein stad på Tittelsnesvegen. Dette skjedde ved 20-tida, fortel vaktsjef Brit Jorunn Løvereide ved Haugesund politistasjon.
Naudetatane rykka ut til ulykkesstaden. Den kvinnelege bilføraren blei tatt med i ambulansen. Ifølge politiet framsto ikkje skadeomfanget som svært alvorleg.
Løvereide fortel elles at politiet har oppretta sak, og at bilføraren sitt førarkort er beslaglagt.
– Det er mogleg mistanke om promillekjøring. Blodprøve er tatt på sjukehuset, seier Løvereide.
