Når lærarane streikar, som her i Bærum, sparer kommunane store summar på lønningar som ikkje blir betalte. Mange av dei har ikkje bestemt seg for korleis pengane skal disponerast.FOTO: NPK
NPK-NTB: Lærarstreiken gjer at fleire kommunar sparer millionar i lønnsutgifter. Det er ikkje gitt at pengane går tilbake til skulane.
Vel ein åttedel av dei 8.200 streikande lærarane jobbar i Bergen, som hittil har spart nesten 29 millionar kroner, skriv Klassekampen. Etter det siste streikeuttaket sparer Bergen 3,5 millionar per dag, opplyser skuleetaten. Det er ikkje klart korleis dei sparte pengane skal disponerast.
– Dei går inn i kommunekassa, og så må det vere ein prosess, seier kommunaldirektør for barnehagar, skule og idrett, Marius Arnason Bøe. Basert på tidlegare erfaringar seier han at pengane ikkje nødvendigvis blir brukte på barn og unge.
– Det betyr ikkje at det ikkje skjer, men det er ingen automatikk i det, seier Bøe.
Lokallagsleiar Bente Myrtveit i Utdanningsforbundet meiner pengane bør brukast på gode tiltak når streiken er over.
– Ekstra bemanning, til dømes.
I Haugesund seier ordførar Arne-Christian Mohn (Ap) at dei tenkjer mindre i siloar, og at skulane får dei pengane det er bruk for, innan rimelege grenser. Han seier også at kommunen har brukt ekstra ressursar på aktivitetstilbod som fritidsklubbar, skøytebane og kino under streiken.
Også i Lillestrøm og Tromsø seier den politiske leiinga at dei vil komme tilbake til korleis pengane dei sparer skal disponerast.
NPK-NTB: Lærarstreiken gjer at fleire kommunar sparer millionar i lønnsutgifter. Det er ikkje gitt at pengane går tilbake til skulane.
Vel ein åttedel av dei 8.200 streikande lærarane jobbar i Bergen, som hittil har spart nesten 29 millionar kroner, skriv Klassekampen. Etter det siste streikeuttaket sparer Bergen 3,5 millionar per dag, opplyser skuleetaten. Det er ikkje klart korleis dei sparte pengane skal disponerast.
– Dei går inn i kommunekassa, og så må det vere ein prosess, seier kommunaldirektør for barnehagar, skule og idrett, Marius Arnason Bøe. Basert på tidlegare erfaringar seier han at pengane ikkje nødvendigvis blir brukte på barn og unge.
– Det betyr ikkje at det ikkje skjer, men det er ingen automatikk i det, seier Bøe.
Lokallagsleiar Bente Myrtveit i Utdanningsforbundet meiner pengane bør brukast på gode tiltak når streiken er over.
– Ekstra bemanning, til dømes.
I Haugesund seier ordførar Arne-Christian Mohn (Ap) at dei tenkjer mindre i siloar, og at skulane får dei pengane det er bruk for, innan rimelege grenser. Han seier også at kommunen har brukt ekstra ressursar på aktivitetstilbod som fritidsklubbar, skøytebane og kino under streiken.
Også i Lillestrøm og Tromsø seier den politiske leiinga at dei vil komme tilbake til korleis pengane dei sparer skal disponerast.
