nyhende
Kom grunneigarane i møte
Grunneigarar og organisasjonar i Sveio som har uroa seg over prosessen rundt kartlegging og verdsetjing av område for friluftsliv, har nådd fram til politikarane.
Resultatet er to tilleggspunkt som blei samrøystes vedtekne då saka var oppe i kommunestyret måndag.
Det eine tilleggspunktet, etter forslag frå Asle Halleraker (Ap), går ut på at grunneigarane alltid skal bli inviterte til deltaking frå starten av prosessen for å sikra gode løysingar frå starten av. Dette gjeld saker som omfattar registreringar og førebuing i planprosessar der grunneigarar er direkte involverte.
Det andre tilleggspunkt blei foreslått av Rune Teikari (Frp), og seier at kartlegginga ikkje skal leggja band på eigedommane ut over det som alt er vedtatt i eksisterande planar. Elles blei kartlegginga, som er ei faktainnsamling, tatt til orientering.
