nyhende
Kan du dei nye reglane teiner og ruser?
Det er viktig å merke teiner og ruser riktig, seier Fiskeridirektoratet. Frå 1. januar kom det nye krav.
NPK: Det blei innført krav til merking av sjølve teinen eller rusa 1. januar i år. Det gjer det enklare for Fiskeridirektoratet å avdekkje uansvarleg bruk og redusere marin forsøpling.
Det nye kravet til merking seier at merket på teinen eller rus skal festast godt i øvre del og må tole saltvatn over tid, skriv Fiskeridirektoratet.
Formålet med det nye kravet til merking er for at reiskapen skal bli brukt riktig og ansvarleg for å unngå at det blir søppel i havet.
I tillegg har Fiskeridirektoratet utvikla ein eigen app der fritidsfiskarar kan melde mista eller funnen reiskap.
Seniorrådgjevar Gjermund Langedal i Fiskeridirektoratet seier sjølv den beste fiskaren kan miste fiskereiskap.
– Enkle grep som jamleg røkting, å ikkje sette reiskapen der båtar køyrer, bruke synlege og gode vak og nok tau hjelper veldig for å unngå å miste reiskapen.
(©NPK)
