INP-leiaren tilrår partifeller å stemme blankt

– Det er mange av tillitsvalde våre som ikkje har vore med i eit kommunestyre før, og treng å lære. Vi må vere med, sjå og erfare kven ein kan stole på og ikkje. Stemme frå sak til sak, seier partileiar Owe Ingemann Waltherzøe til Telemarksavisa.

– Vi ønskjer ikkje å gjere for mange feil på grunn av at vi er nye.

Waltherzøe understrekar overfor NRK at tilrådinga ikkje gjeld i dei områda der partiet får stor oppslutning. Vidare seier at han lokallaga må avgjere kvar grensa for «få» representantar går sjølv, men at han tilrår å stemme blankt i saker lokallaga ikkje får gjennomslag for.

INP gjer det bra på målinga for tida og hamna godt over sperregrensa med 5,1 prosent oppslutning i ei måling frå Sentio tysdag. Partiet ønskjer mellom anna å seie opp EØS-avtalen, den internasjonale Paris-klimaavtalen og å stanse all vindkraftutbygging til havs og på land i Noreg.