nyhende
I grøfta på Gullvegen
Føraren var åleine i bilen og slapp uskadd frå ei utforkøyring på Gullvegen søndag kveld.
Politiet fekk melding om trafikkuhellet klokka 19.25. Naudetatane rykte ut til staden ved sørenden av Storavatnet. Bilføraren blei sjekka av helsepersonell på staden.
– Bilen har fått store skader, seier vaktsjef Andreas Gram Hansen ved Haugesund politistasjon.
Det var glatt på staden der uhellet skjedde, og Hansen meiner dette var årsak til at bilen hamna i grøfta. Bilen var utstyrt med gode dekk, seier han.
Klokka 21.21 melde politiet at dei var ferdige på staden og at den skadde bilen var fjerna frå staden.
