nyhende
I dag fyller dronning Sonja 87 år
I dag, 4. juli, fyller dronning Sonja 87 år. – Fødselsdagen til dronninga blir feira privat, opplyser Slottet til NTB.
Akkurat no er det ferie og ingen postar på det offisielle programmet for den elles aktive dronninga.
Det siste året har ho halde den største kunstutstillinga si så langt med over 100 verk. Utstillinga vart halde på kunstgalleriet Ullinsvin i Vågå i fjor sommar.
Kongeparet har også opna sin eigen kafé der dronninga har bestemt fargane på møblane og utforminga av kafeen. Den er ein del av Dronning Sonja Kunststall og held til i Slottsparken. Det er Slottet som står for maten.
Kongeparet har også vore på fylkestur. I mai var dei to på besøk i fem ulike kommunar i Agder og Rogaland.
Dronning Sonja, fødd Sonja Haraldsen, gifta seg med dåverande kronprins Harald 29. august 1968. 23 år seinare vart ho dronning, då kong Olav døydde i 1991. Dronning Sonja vart då den første norske dronninga på 52 år.
