HV-soldatar til øving i Sveio

– Det meste skal gå føre seg på skytebanen på Kalland og festningsområdet på Tittelsnes, opplyser løytnant Ole Velde.

Han er laisonoffiser i Sunnhordland Heimeverndistrikt 09-213.

– Det blir skytetrening på Kalland og ulike aktivitetar på Tittelsnes. Sporadisk blir elles mannskap i uniform og med våpen å sjå både i Sveio og nabokommunane i Sunnhordland, forklarar Velde vidare.

Det blir derimot ingen vegsperringar eller andre hindringar for folk flest i samband med øvinga.

– Dette er HV si årlege øving, men talet på soldatar har auka med ein tropp sidan i fjor. Dette har samanheng med den nye tryggingspolitiske situasjonen og regjeringa si auka satsing på Heimevernet, seier Velde.