Helsedirektoratet ber kommunane sørgje for at innbyggjarane får tilgang på gratis sjølvtestar for covid-19.FOTO: NPK
Helsedirektoratet ber kommunane om å dele ut hurtigtestar
Helsedirektoratet ber kommunane sørgje for at innbyggjarane får tilgang på gratis sjølvtestar for covid-19. Og dei som blir sjuke må finne fram munnbinda.
Det er for tida mykje smitte i samfunnet, og det er ikkje lett å vite om det dreier seg om forkjøling, influensa eller covid-19.
Ein hurtigtest er derfor viktig for å fastslå om det dreier seg om covid-19 og ei eventuell behandling med Paxlovid.
– Helsedirektoratet tilrår at personar med høg risiko for å utvikle alvorleg sjukdom ved covid- 19 får tilbod om behandling med legemiddelet Paxlovid, seier assisterande helsedirektør Espen Nakstad.
Han seier Paxlovid er effektivt for å bremse koronasjukdom hos pasientar, særleg folk over 65 år med alvorlege underliggjande sjukdommar.
– Då er det viktig at dei får tilgang på denne behandlinga så tidleg som mogleg, seier Nakstad.
Nakstad ber også folk finne fram igjen pakkane med munnbind.
– Blir du sjuk og veit at du er smittsam, men likevel må til legen, apotek eller i butikken, er det viktig at du bruker munnbind. Då vernar du andre mot smitte, seier han til NRK.
Det er for tida mykje smitte i samfunnet, og det er ikkje lett å vite om det dreier seg om forkjøling, influensa eller covid-19.
Ein hurtigtest er derfor viktig for å fastslå om det dreier seg om covid-19 og ei eventuell behandling med Paxlovid.
– Helsedirektoratet tilrår at personar med høg risiko for å utvikle alvorleg sjukdom ved covid- 19 får tilbod om behandling med legemiddelet Paxlovid, seier assisterande helsedirektør Espen Nakstad.
Han seier Paxlovid er effektivt for å bremse koronasjukdom hos pasientar, særleg folk over 65 år med alvorlege underliggjande sjukdommar.
– Då er det viktig at dei får tilgang på denne behandlinga så tidleg som mogleg, seier Nakstad.
Nakstad ber også folk finne fram igjen pakkane med munnbind.
– Blir du sjuk og veit at du er smittsam, men likevel må til legen, apotek eller i butikken, er det viktig at du bruker munnbind. Då vernar du andre mot smitte, seier han til NRK.
