nyhende
Bustadbygging i sentrum - Steinhaugmarka:
Har selt 11 av 18 husvære
Blink Hus Valvatne AS har selt elleve av 18 bueiningar på feltet Steinhaugmarka bak Kiwi i Sveio sentrum.
Det opplyser Bjørn Storebø til Vestavind. Trafikkarealet mellom bustadene er no ferdig asfaltert, og Storebø seier han vil invitera til ei fellesvisning i slutten av august for å presentera området og marknadsføra dei bueiningne som framleis er ledige.
Storebø reknar med at dei første huskjøparane får flytta inn før jul, sjølv om den kontraktfesta datoen for fullføring er nærare påske neste år.
Som fortalt onsdag har den første familien allereie flytta inn i nybygget sitt på nabofeltet Hansabakken, der Bømlo-Hus AS er utbyggar. Dei to felta representerer ei monaleg fortetting i sentrum og medverkar dermed også til å auka folketalet i kommunesenteret.
