– Det ser ut som måndagen vil starte ganske grått for store delar av landet. Det vil òg vere ein del vind på kysten i vest med liten kuling, og kanskje enkelte plassar oppimot stiv kuling, seier statsmeteorolog Elin Tronvoll ved Meteorologisk institutt til NTB.
I starten av veka blir det ein del nedbør for dei fleste, og særleg på kysten av Trøndelag, Møre og Romsdal og kanskje i Nordland. Måndag er det meldt 17 millimeter regn i Oslo.
Temperaturane vil liggje på rundt 20 grader i aust og fem grader kjøligare i vest og nord.
Skogbrannfaren blir mindre
På grunn av regnvêret, så forsvinn det gule skogbrannvarselet på Austlandet frå tysdagen av.
– Så vil det vise seg i ettertid kor lenge effekten av regnet vil vare, seier Tronvoll.
Ruskevêret kjem av eit lågtrykk av utanfor vestlandskysten, og dette lågtrykket vil krype nordover gjennom veka.
– Onsdag flyttar det seg litt lenger nord. Trøndelag og nordover får nordaustleg vind og regn. Det kan framleis vere litt vind på kysten, særleg i Rogaland og Agder.
Eit lite høgtrykksvindauge mot helga
Torsdag ligg det an til regnbyer på kysten frå Møre og Romsdal og nordover.
Mot helga forsvinn lågtrykket nord for Noreg, og i ei lita stund er det høgtrykk som dominerer. Det blir likevel kortvarig.
– Det er eit nytt lågtrykk som ligg og lurer på laurdag igjen. Allereie laurdag ettermiddag får vi nok ei ny runde med regn på aust- og vestlandet og søndag lenger nord. Men Troms og Finnmark ser ut til å sleppe unna, og det kan bli ei fin helg der, seier meteorologen.
– Det ser ut som måndagen vil starte ganske grått for store delar av landet. Det vil òg vere ein del vind på kysten i vest med liten kuling, og kanskje enkelte plassar oppimot stiv kuling, seier statsmeteorolog Elin Tronvoll ved Meteorologisk institutt til NTB.
I starten av veka blir det ein del nedbør for dei fleste, og særleg på kysten av Trøndelag, Møre og Romsdal og kanskje i Nordland. Måndag er det meldt 17 millimeter regn i Oslo.
Temperaturane vil liggje på rundt 20 grader i aust og fem grader kjøligare i vest og nord.
Skogbrannfaren blir mindre
På grunn av regnvêret, så forsvinn det gule skogbrannvarselet på Austlandet frå tysdagen av.
– Så vil det vise seg i ettertid kor lenge effekten av regnet vil vare, seier Tronvoll.
Ruskevêret kjem av eit lågtrykk av utanfor vestlandskysten, og dette lågtrykket vil krype nordover gjennom veka.
– Onsdag flyttar det seg litt lenger nord. Trøndelag og nordover får nordaustleg vind og regn. Det kan framleis vere litt vind på kysten, særleg i Rogaland og Agder.
Eit lite høgtrykksvindauge mot helga
Torsdag ligg det an til regnbyer på kysten frå Møre og Romsdal og nordover.
Mot helga forsvinn lågtrykket nord for Noreg, og i ei lita stund er det høgtrykk som dominerer. Det blir likevel kortvarig.
– Det er eit nytt lågtrykk som ligg og lurer på laurdag igjen. Allereie laurdag ettermiddag får vi nok ei ny runde med regn på aust- og vestlandet og søndag lenger nord. Men Troms og Finnmark ser ut til å sleppe unna, og det kan bli ei fin helg der, seier meteorologen.
