NPK-NTB: Skodespelar og songar Geir Børresen er død, 79 år gammal. Han døydde etter kort tids sjukdom, opplyser familien til NRK.
Geir Børresen var med i ei rekkje barneprogram på NRK i 1970-, 1980- og 1990-åra, der han mellom anna gav liv til hunden Labbetuss og til Max Mekker.
Han hadde også suksess som plateartist med musikken om Smurfene.
Børresen var tilsett ved Nationaltheatret i 20 år, frå han debuterte i «Den stundesløse» i 1968. Som frilansar spelte han ved fleire andre teater, inkludert Oslo Nye Teater og Centralteatret.
TV-debuten kom i 1971, som programleiar i barne-TV-serien «Lekestue» saman med Vibeke Sæther. Han spelte også fleire filmroller.
Børresen vart fødd i Oslo, men budde mesteparten av sitt vaksne liv i Asker. Han lèt etter seg seg kona Wenche, barn og barnebarn, melder NRK.
I mai fortalde han i eit intervju i Se og Hør at han hadde vorte diagnostisert med kreft i tarmane i september 2021.
NPK-NTB: Skodespelar og songar Geir Børresen er død, 79 år gammal. Han døydde etter kort tids sjukdom, opplyser familien til NRK.
Geir Børresen var med i ei rekkje barneprogram på NRK i 1970-, 1980- og 1990-åra, der han mellom anna gav liv til hunden Labbetuss og til Max Mekker.
Han hadde også suksess som plateartist med musikken om Smurfene.
Børresen var tilsett ved Nationaltheatret i 20 år, frå han debuterte i «Den stundesløse» i 1968. Som frilansar spelte han ved fleire andre teater, inkludert Oslo Nye Teater og Centralteatret.
TV-debuten kom i 1971, som programleiar i barne-TV-serien «Lekestue» saman med Vibeke Sæther. Han spelte også fleire filmroller.
Børresen vart fødd i Oslo, men budde mesteparten av sitt vaksne liv i Asker. Han lèt etter seg seg kona Wenche, barn og barnebarn, melder NRK.
I mai fortalde han i eit intervju i Se og Hør at han hadde vorte diagnostisert med kreft i tarmane i september 2021.
Geir Børresen, her som hunden Labbetuss, saman med Vibeke Sæther på scena i 2005, då Kringkastingsorkesteret arrangerte familiekonsert med musikalske høgdepunkt frå tre generasjonar med Barne-TV. Arkivfoto Lise Åserud /NTB/ NPKFOTO: NPK
