nyhende
Framleis to råd
Sveio skal framleis ha eitt eldreråd og eitt råd for personar med nedsett funksjonsevne. Det avgjorde kommunestyret med 22 mot tre stemmer måndag kveld.
Rådmannen og fleirtalet i formannskapet hadde gått inn for samanslåing av dei to råda frå 1. juli i år. Ei av årsakene er problem med å rekruttera medlemmer til rådet for personar med nedsett funksjonsevne.
Råda har likevel sjølve ønskt å halda fram som to separate råd. Dette tok kommunestyret omsyn til. Det formelle forslaget om å oppretthalda to separate råd blei sett fram av Arne Valen (Sp), men både Christina Ballard (SV) og John Kristian Økland (H) tok ordet og tala varmt for den same saka. Varaordførar Ruth Eriksen (Frp) var den einaste som argumenterte for samanslåing.
