Frå kanskje snø i går til gult farevarsel i dag

Yr har torsdag lagt ut gule farevarsel for delar av Vestland, Rogaland, Møre og Romsdal og sørlege Trøndelag.

I Sveio startar fredagen med kaldt vintervêr og ned mot 7-8 minusgrader. Utover føremiddagen stig temperaturen, og det kan koma snø frå frå 11-tida. Mest sannsynleg kjem snøbygene rundt klokka 16.00, og frå fredag kveld til laurdag morgon kan det koma 15 cm snø.

Mest i nord og på fjellet

Møre og Romsdal og Nordfjord må allereie frå 05.00-tida fredag førebu seg på snø, med 15–25 centimeter løpet av 24 timar. I fjellet er det venta endå meir snø. Snøfallet er venta å minke frå klokka 16.00 laurdag.

Snøvêret gjer seg også gjeldande i nordlege delar av Vestland fylke frå klokka 13.00 fredag og eitt døgn framover med rundt 5–15 centimeter snø, mest i ytre strøk, og etter kvart også i Rogaland, frå fredag ettermiddag, og sørlege Trøndelag frå fredag kveld.

Vanskelege køyreforhold

Det blir åtvara om lokalt vanskelege køyreforhold, og at snøfokk i fjellet gir redusert sikt og moglegheit for kolonnekøyring og/eller stengde vegar.

Folk blir rådd til å vera godt førebudd. Ta høgd for at reiser kan ta lengre tid og sikra infrastruktur som kan vera sårbar for snøtyngda.