nyhende
Forsikringsselskap: – Ikkje reis frå kaldt hus
Å reisa frå eit kaldt hus i minusgrader, kan medføre store skader og dyre reparasjonar.
Det skriv Frende forsikring i ei pressemelding. I store delar av landet vil det vera veldig kaldt i tida framover, og om vatn frys i røra, kan det føra med seg særs omfattande vasskader.
10 grader
– Lat litt varme stå på i hytta eller huset ditt om du skal reisa vekk. Tenk at det iallefall burde vera ti grader. Det tar berre nokre minutt å sørgja for at det er litt varme på, og det kan spara deg for store og dyre skadar som tar lang tid å fiksa, seier kommunikasjonassjef i Frende Heidi Tofterå Slettemoen.
Det kan ogso vera lurt å stengja hovudkranen. Det kan sikra deg mot særs dyre skader.
2,9 milliardar
I fjor kosta vasskader i snitt over 50.000 kroner å fiksa.
– Det seier litt om kor ekstremt dyrt det er når det fyrst skjer. Dette er ikkje ein skade du vil gå inn i det nye året med, seier Slettemoen.
I 2025 kom det, ifølgje Finans Norge, inn over 50.000 vasskader til norske forsikringsselskap, med ein totalt kostnad på kring 2,9 milliardar kroner.
