Rundt klokka 8.20 tysdag morgon fekk politiet melding frå vegmeldingssentralen om at fleire bilar stod med naudblink på i Bømlafjordtunnelen. Ei patrulje blei sendt til staden.
Like etter kom ei ny oppdatering om at tunnelen stengt, då ein lastebil og ein personbil har kollidert. Det viste seg at ulukka hadde skjedd i nordgåande felt i bakken opp mot Stord. To personar skal vera involvert – ein i kvar bil, skriv politiet.
Førarane i samanstøyten var ei kvinne i 20-årsaldaren som førte personbilen, medan ein mann i 30-åra køyrde lastebilen. Ulukka skjedde i samband med forbikøyring, og føraren av personbilen fekk førarkortet beslaglagt.
Ingen personskade, oppsummerer politiet på Twitter.
Tunnelen blei opna igjen like før klokka 9.30. Mannskap frå Førde brannstasjon rykka ut til ulukka.
