Bli abonnent
Logg inn

nyhende

At ein ikkje er merksam utgjer ein stor risiko i trafikken. Vegvesenet har eitt klart råd for ein trafikksikker ferietur med familien: Å køyra er det einaste du skal gjera. Biletet er fra E39 Førde - Larvik. FOTO: SILJE DREVDAL, STATENS VEGVESEN
At ein ikkje er merksam utgjer ein stor risiko i trafikken. Vegvesenet har eitt klart råd for ein trafikksikker ferietur med familien: Å køyra er det einaste du skal gjera. Biletet er fra E39 Førde - Larvik.

Flest skal på bilferie til Vestlandet

I ei fersk undersøking frå Statens vegvesen, seier nesten halvparten av dei spurte at dei skal ha eller vurderer bilferie i Noreg i år. For mange går turen til Vestlandet.

Publisert Sist oppdatert

Tips til trygg køyring

Vegvesenet sine tips til ein merksam bilferie:

  • Gjer – før – køyr. Gjer deg ferdig med alt som kan ta merksemda di under køyring før du begynner å køyra.
  • Et og drikk før du drar.
  • Sørg for ro i baksetet. Førebu alle leiker, mat og drikke for barna i forkant av turen.
  • Still inn GPS-en og andre innstillingar på skjermen før køyreturen startar.
  • Rydd vekk mobilen slik at du ikkje har den tilgjengeleg. Sett den på bilmodus eller på lydlaus.
  • Still inn radioen, og la vera å fikla med musikken når du er på vegen. Blir du distrahert av lyd og musikk, anbefales det å køyra uten musikk.
  • Be passasjerane om hjelp hvis du trenger noko under køyring.
  • Stopp bilen for å eta, ta telefonen eller fiksa andre ting.

– Me ventar mykje ferietrafikk på vegane i år, og det kan bli kø, særleg på dei mest populære veg- og ferjestrekningane, sier Guro Ranes, avdelingsdirektør for trafikktryggleik i Statens vegvesen.

49 prosent av dei spurte i undersøkinga seier at dei skal ha eller vurderer bilferie i Noreg i sommar. 30 prosent av desse planlegg å legga turen til Vestlandet, mens 28 prosent skal feriera på Austlandet, 21 prosent i Midt-Noreg, 20 prosent på Sørlandet og 18 prosent i Nord-Noreg.

Dei fleste (38 prosent) skal reisa i fellesferien, mens 25 prosent har lagt ferien seint på sommaren, og 20 prosent tar tidleg ferie, skriv Vegvesenet i ei pressemelding.

Ukjent vegar og uvante køyretøy

– I ferien er det mange som køyrer på ukjente vegar, og med uvante sesongkøyretøy som MC, bubil og campingvogn. Sommaren er også den tiden på året det er flest trafikkulykker, seier Ranes.

At du ikkje er merksam utgjer ein stor risiko i trafikken. I ei av tre dødsulukker er det at ein er uoppmerksam ein medverkande faktor. Ranes har eitt klart råd for ein trafikksikker ferietur med familien:

Å køyra er det einaste du skal gjera.

Nyttige hjelpemiddel

Ein god ven på bilferie i Noreg er appen «Vegvesen trafikk». Den gir deg informasjon om kva som skjer i trafikken på di strekning eller i ditt eigendefinerte område.

Om du legg inn ei vegstrekning som inkluderer ferje, kan du klikka deg vidare inn på rutetider, og du kan også sjå bilete frå webkamera på ferjekaien om den har det.

Du kan også sjekka rutetider for ferje på www.vegvesen.no/ferje.

All trafikkinformasjon si «mor» er vegvesen.no/trafikkinformasjon.
nyhende
Powered by Labrador CMS