nyhende
Fleire tente lys for Ukraina
Fredag opna Sveio kyrkje dørene for alle som ønska å ha ei stille stund og tenne eit lys i medkjensle med alle som er råka av krigen i Ukraina.
Fredag ettermiddag opna Sveio kyrkje dørene, og ein kunne tenna lys og be ei bøn for ofra i hendingane som no går føre seg i Ukraina.
Gjennom kvelden kom fleire inn for å bruka stilla til å tenna lys og be ei bøn, medan organist Leiv Rossehaug spela på orgelet.
— Vi fekk tilbakemeldinger på at dette var eit flott tiltak, seier Bent Rune Sinnes til Vestavind, laurdag føremiddag.
Når Vestavind spør om stille stunda kjem til å gjenta seg seier Sinnes, ja.
Annonse
— Dette er nok noko vi kjem til å gjera igjen, utan at vi veit når.
Kvelden vart avrunda med felles opplesing av tre bøner.
