nyhende
Fjerde Sveio-siger på fem kampar
Etter ein vårsesong som gjekk så som så, har Sveio IL verkeleg fått sving på sakene sine i haust.
Denne gongen var det Djerv 1919-3 som fekk merke at Sveio verkeleg har fått orden på spelet sitt. Det var Martin Sydnes som opna skåringsballet. Nettkjenninga hans var den einaste i første omgang.
Seks mål på ein omgang
I andre omgang vart det atskilleg meir underhaldning for publikum på kunstgraset i Sveio. Då vart det skåra heile seks mål. Først utlikna Erling Kjellesvik Husveg til 1-1. Men så tok heimelaget grep for alvor. Mikal Fransson og Lars Rødseth og Daniel Rommetveit putta eit mål kvar før Jonas Alsaker Sande reduserte for Djerv. Like før slutt sette Daniel Rommeteveit sitt andre mål for dagen og sikra solid 5-2 seier.
På dei siste fem kampane er det berre Sauda som har klart å tukte sveibuane. Elles har det blitt tre heimesigrar mot høvesvis Trott 2, Falkeid og Djerv 1919, og ein bortesiger mot Torvastad 2.
Byks på tabellen
Tre serierundar før slutt ligg Sveio på ein fin 5. plass på tabellen. I teorien kan dei faktisk bli nummer 3 til slutt, men då skal mykje gå Sveio sin veg i andre kampar på tampen av sesongen.Dei siste kampane for sesongen er borte mot Stegaberg-2 måndag førstkomande, så heimekamp mot seriemeister Kopervik-2 den 17. oktober, før sesongen blir avslutta på bortebane mot tabelljumbo Vard Haugesund-3.
Siste kampar i 6. div. avd 4:
Sveio – Djerv 1919-3, 5-2
Trott 2 – Vard-3, 16-0
Sauda – Kopervik-2, 0-2
Falkeid – Stegaberg-2, 4-1
Tabellen:
