nyhende
Ferja er innstilt ut laurdagen
Sambandet Langevåg-Buavåg blei nok ein gong innstilt på grunn av uvêr frå klokka 17.00 og ut dagen. Ny vurdering vil bli gjort i morgon tidleg, melder Fjord1.
Første runde med innstilling gjekk frå 20.30-avgangen fredag til klokka 08.00 i dag. Dårleg vêr var då som no årsaka, og Fjord1 meldte at det ville bli gjort ei ny vurdering i laurdag morgon. No blir det altså nok ei ny vurdering søndag morgon.
Siste oppdatering frå Yr viser auke i vinden utover ettermidagen og kvelden med liten storm i kasta. Etter ein rolegare periode på starten av søndagen, aukar vind igjen i 3-4-tida, og det meldes vindkast mellom 18 og 21 m/s. Rundt klokka 21.00 er det venta ytterlegare auke, og vindkasta meldes å ligga på 22-25 m/s fram til måndag morgon.
