Fekk sløkt brannen sjølve

Klokka 10.35 fekk politiet, via brannvesenet melding om branntilløp.

– Det viser seg at brannen har oppstått i ei tørketrommel. Folk var heime og fekk oppdaga brannen i tide, og sløkte brannen sjølve med pulverapparat, opplyser Ole Berner Iversen, innsatsleiar frå politiet.

Eit husstandsmedlem skal i følgje politiet kjent ei stram lukt. Då vedkommande undersøkte vaskerommet, var det røyk og flammar frå opninga av tørketromla.

Bebuarane i huset fekk tilsyn av helsepersonell på staden.

– Vidare vil me oppretta sak, sikra spor på staden og gjera avhøyr. Det var godt det vart oppdaga i tide, slik at brannen slapp å utvikla seg. Det kan vera ein vekkar å sjekka til slike apparat, og ha dei under eit visst oppsyn, oppmodar Iversen.