Få dagar igjen til Sommarles startar

Snart er det klart for den digitale lesekampanjen Sommarles.no. Frå 1. juni kan alle 1.-7. klassingar i Sveio vera med på Noregs kulaste lesekampanje, saman med barn frå heile Noreg. Sommarles.no har vore ein stor suksess gjennom fleire år, i fjor var det 256 deltakarar med frå Sveio, i snitt las kvart barn 15 bøker. I år som i fjor, registrerer ein det ein les, ein får digitale trofé i appen, og etter kvart kan ungane henta ut fine premiar på biblioteket.

Målet med kampanjen er å motivera barna til å lesa så mykje dei berre orkar i løpet av ein lang sommarferie, og dermed auke lesekompetansen, i ein periode der han vanlegvis blir svekt.

Sjølv om biblioteket har delvis sommarstengt kan du likevel lesa bøker og registrera dei digitalt, opplyser biblioteksjef Ellen Stople.