nyhende
Elbilane køyrer 200 kilometer lenger enn i 2020
Rekkevidda til elbilane på den norske marknaden har auka med 200 kilometer dei siste fem åra, viser NAF og Motors årlege test av nye elbilar.
I testen i år er gjennomsnittsrekkevidda på bilane 560 kilometer, mot 358 kilometer fem år tidlegare.
– Det store hoppet skjedde i 2022. Då passerte gjennomsnittleg rekkevidd blant testbilane 500 kilometer, seier Nils Sødal, senior kommunikasjonsrådgivar i NAF
Det svarer til strekninga frå Oslo til Trondheim.
– I tillegg har bilane vorte større. Dei siste åra har det vorte lansert fleire og fleire mellomklasse og familiebilar blant elbilane, seier han.
Annonse
Sødal ventar at elbilane vil få stadig betre eigenskapar både på rekkevidd og lading i åra framover.
– Teknologien går framover og signala er at det kjem bilar med opp mot 1000 kilometer rekkevidd, seier han.
