— Ein historisk dag

Biskop Ragnhild Jepsen frå Bjørgvin bispedøme kjem til Sveio for gjera vigslinga.

Vanlegvis er det motsett, at den komande presten dreg til domkyrkja, men ikkje denne gongen.

— Me var heilt tydelege på at Runar si vigsling må skje i Sveio kyrkje. Det er den som har vore med å bera han fram, seier Svein Arne Theodorsen, prost på Stord.

Vigsling i heimkyrkja

Larsen skal jobba som prest på Stord etter vigslinga. Theodorsen seier det er ein historisk dag for Sveio, på fleire måter.

— Det er ikkje ofte ein prest vert vigsla i Sveio, og i tillegg er han jo frå Sveio. Det er også første gong ei kvinne skal halda ei vigsling i dette bispedømet. Ragnhild Jepsen er ny biskop og skal søndag ha si første teneste i Sveio, seier Theodorsen.

Nesten 30 år sidan sist

Sist gong ein prest vart vigsla i kommunen var i 1994 eller 1995, i Førde kyrkje, fortel lokal prest Arild Steinsland.

For Theodorsen kan ikkje helga kome raskt nok.

— Me gler oss veldig til søndag, seier han.