Høgsterett har for første gong tatt stilling til om kommentarar i sosiale medium kan reknast som hatefulle ytringar etter den såkalla rasismeparagrafen i straffelova. Avgjerdene er prinsipielt viktige for framtidige saker av same karakter.FOTO: Gorm Kallestad / NTB / NPK
Dømde for hatefulle ytringar
Høgsterett har for første gong teke stilling til om kommentarar i sosiale medium kan reknast som hatefulle ytringar etter den såkalla rasismeparagrafen i straffelova.
To separate saker vart behandla – og i begge tilfella kom Høgsterett til at ytringane kan karakteriserast som hatefulle og dermed er ulovlege. Dommane er prinsipielt viktige fordi dei vil fungere som rettleiarar i framtidige rettsavgjerder i tilsvarande saker, skriv Filter Nyheter.
Mildare straff
I den eine saka skreiv ei bergenskvinne i 70-åra denne kommentar på Facebook-gruppa «Vi som støtter Sylvi Listhaug: «Fandens svarte avkom reis tilbake til Somalia og bli der din korrupte kakerlakk». Kommentaren var retta mot samfunnsdebattanten Sumaya Jirde Ali.
Kvinna vart i Gulating lagmannsrett i fjor dømd til 14 dagars fengsel for uttalen, men anka fordi ho meinte at ytringa var politisk og innanfor ytringsfridommen. Høgsterett slår likevel fast at ytringa må reknast som hatefull etter straffelova paragraf 185, og forkasta derfor anken til kvinna over sjølve lovbruken. Dommen vart likevel redusert til fengsel på vilkår.
Stadfesta dommen
Den andre saka dreidde seg om ein mann i 50-åra som Agder lagmannsrett dømde for denne ytringar i den lukka Facebook-gruppa «Fedrelandet viktigst»: «Det er vel bedre at vi fjerner disse avskyelige rottene frå jordens overflate selv tenker jeg!!» og «ja de forsvinner den dagen disse steppe bavianene reiser dit de hører hjemme!».
Mannen meinte at kommentarane må reknast som «lovleg religionskritikk», men Høgsterett er av ei anna oppfatning, og meiner at det ut frå samanhengen er klart at den første ytringa var knytt til muslimar og den andre til personar med mørk hudfarge, og at dei derfor må reknast som hatefulle. Bota på 12.000 kroner frå lagmannsretten blir dermed ståande.
To separate saker vart behandla – og i begge tilfella kom Høgsterett til at ytringane kan karakteriserast som hatefulle og dermed er ulovlege. Dommane er prinsipielt viktige fordi dei vil fungere som rettleiarar i framtidige rettsavgjerder i tilsvarande saker, skriv Filter Nyheter.
Mildare straff
I den eine saka skreiv ei bergenskvinne i 70-åra denne kommentar på Facebook-gruppa «Vi som støtter Sylvi Listhaug: «Fandens svarte avkom reis tilbake til Somalia og bli der din korrupte kakerlakk». Kommentaren var retta mot samfunnsdebattanten Sumaya Jirde Ali.
Kvinna vart i Gulating lagmannsrett i fjor dømd til 14 dagars fengsel for uttalen, men anka fordi ho meinte at ytringa var politisk og innanfor ytringsfridommen. Høgsterett slår likevel fast at ytringa må reknast som hatefull etter straffelova paragraf 185, og forkasta derfor anken til kvinna over sjølve lovbruken. Dommen vart likevel redusert til fengsel på vilkår.
Stadfesta dommen
Den andre saka dreidde seg om ein mann i 50-åra som Agder lagmannsrett dømde for denne ytringar i den lukka Facebook-gruppa «Fedrelandet viktigst»: «Det er vel bedre at vi fjerner disse avskyelige rottene frå jordens overflate selv tenker jeg!!» og «ja de forsvinner den dagen disse steppe bavianene reiser dit de hører hjemme!».
Mannen meinte at kommentarane må reknast som «lovleg religionskritikk», men Høgsterett er av ei anna oppfatning, og meiner at det ut frå samanhengen er klart at den første ytringa var knytt til muslimar og den andre til personar med mørk hudfarge, og at dei derfor må reknast som hatefulle. Bota på 12.000 kroner frå lagmannsretten blir dermed ståande.
