nyhende
Det blir ikkje fengsel i Sveio
Det har lenge blitt jobba for å få fengsel til Sveio. I dag blei det kjent at det er anbefalt å auka fengselskapasiteten tre andre stadar på Vestlandet.
Bakgrunnen for dette er at kriminalomsorgsdirektoratet har gjennomført konseptuvalutredninga for varetekt- og straffegjennomføringskapasitet på Vestlandet. Denne KVUen anbefalar å auka fengselskapasiteten og erstatta dagens fengsel på Vestlandet med tre nye større fengsel konsentrert rundt byane Stavanger, Bergen og Ålesund.
Dette betyr at det ikkje kjem nytt fengsel i Sveio, fortel Lars Einar Hollund i Sveio Høgre i ei pressemelding.
– Det er sterkt å beklaga at ei årelang usemje blant kommunane på Haugalandet om plassering av fengsel førte til at me aldri klarte å samla oss om kravet, og behovet for nytt fengsel, som skulle erstatta Haugesund fengsel, seier Hollund.
