nyhende
Demonstrasjon mot ny E39
Sjølv om vinden var bitande kald laurdag føremiddag hadde dei likevel samla seg, motstandarane av ny E39 slik den er presentert av Vegvesenet.
Det var appellar ved Oda Indgaard, stortingsrepresentant frå MDG og Henning Bratthammer Tysvær SV. Naturvernforbundet var også til stades med appell.
Mange av demonstrantane ville ikkje ha ny firefeltsveg gjennom gardstunet sitt, og meinte at trasevalet måtte endrast. Andre meinte at beste løysinga for ein forbetra veg er å utbetre den gamle vegen.
– Me vil ikkje ha så sterkt inngrep i bygdene våre, det øydelegg både livsgrunnlag og livskvalitet, blei det sagt frå scena.
– Løpet er ikkje køyrt, vegen er ikkje godkjent av Stortinget, heller ikkje budsjettert og den har ikkje prioritert i NTP, sa Ingaard. Ho oppfordra dei frammøtte til å fortsette å kjempe for saka.
– Kampen er ikkje tapt, sa ho.
i dag er siste frist for å senda inn uttale til forslag til kommunedelplan for ny E39.
