nyhende
Daglegvarekjedene har starta påskepriskrigen
Daglegvaregigantane Rema 1000, Kiwi og Coop Extra kuttar prisen på mange påskevarer med mellom 25 og 50 prosent.
– Påska er viktig for nordmenn, og vi vil gjere sluttsummen på påskehandelen så låg som mogleg, seier sals- og marknadsdirektør Pia Mellbye i Rema 1000 til Nettavisen.
Kiwi har også justert prisar etter at Rema 1000 gjorde kutta sine.
– Måndag starta vi påskekampanjen vår, seier kommunikasjonsdirektør Kristine Arvin i Kiwi.
Coop Extra har også kutta prisane på fleire varer.
Annonse
– Vi er på veg inn i ei tid av året der det som regel er spinnvill priskonkurranse på typiske påskevarer. Alt tyder på det skjer også i år, seier kjededirektør Håvard Jensen i Extra til avisa.
