nyhende
Boblande vinterglede ved Nesavatnet
Desse kalde, men fantastiske vinterdagene gir moglegheiter som me ikkje har så ofte. Som å blåsa såpebobler som frys til is.
Ein blir aldri for gamal til å leika og utforska, og laurdag tok Tor André Johannessen og barnebarnet Sakarias Johannessen Heimestøl seg ein tur til Nesavatnet.
– Me hadde med oss både såpeboblemaskin og såpeboblepinne. Det blei ein heil del frosne såpebobler i minus 12 grader. Såpeboblemaskina fraus etter kvart til og måtte tinast, fortel Johannessen.
Han har sendt Vestavind bildene du ser i galleriet. Har du lyst til å prøva dette sjølv, finn du oppskrifta her:
Såpebobleblanding
Annonse
- 0,5 oppvasksåpe, til dømes Zalo
- 1 dl vann, lunka eller varmt
- 1 ts sukker
- 1 ts glyserol (kan kjøpas på apotek)
- Noko å blåsa såpebobler med, som ein såpeboblepinne du har liggande.
Slik gjer du det
- Rør saman ingrediensane og hell blandinga over i ein kopp eller ei flaske. Eller ei såpeboblemaskin.
- Blås såpebobler ute i minusgrader. Best resultat får du mellom -3 og -10 grader. Er det kaldare enn -10 grader kan boblene frysa til i lufta og sprekka når dei landar.
- For å unngå at såpeboblene sprekk, prøv å blåsa dei langs bakken eller rett over snø.
- Det er lettera å blåsa små bobler enn store, men det er bedre å sjå mønstra som blir danna på dei store.
- Skal du ta bilder av monstra, er det eit godt tips å fotografera i motlys.
Kjelde: undervisningstips.com
